Kryetari i Partisë së Lirisë, Ilir Meta u tregua i ashpër sot pasi u pyet për dy iniciativat që janë në kuvend lidhur me përjashtimin e kryetarëve të partive që kanë bashkëpunuar me Sigurimin e Shtetit.
Duke folur në një konferencë për shtyp ai bëri një paralajmërin edhe për ata që do të prekin votat.
“Ligjet që bën djali i Kristaqit, Edvin Kristaq Rama, ligjet që bën nipi i Spiro Kolekës, unë me tolerancën më të madhe do tia fus atje ku e shijon më shumë ai. Të gjithë ata që mendojnë se do ekzekutojnë pluralizmin politik do të kenë fatin e Musolinit. Dhe, fatin e Klaretës, dashnores së Musolinit. Parlamenti i Tiranës sa të mblidhet i ka gati 10 komisione hetimore dhe 1 komision është për Bashkinë e Tiranës që ka të bëjë me korrupsionin e dosjeve. Sa i takon Ram-bashistëve vrimë miu nuk do të ketë për ta. E di Rama që unë i mbaj premtimet. Piktori i Sigurimit të Shtetit, Edvin Kristaq Rama duhet ta dijë shumë mirë që do të përgjigjet deri në një për shkeljet e ligjit. Ai e di, por e bën që të trimërojë të tjerët, do ti përdorë siç përdori Sajmirin, Lefterin dhe Alqin”. Kështu u shpreh Meta.
Sipas tij “kushdo që do të guxojë të prekë votën e qytetarëve do të përfundojë si Musolini me Klaretën. Klareta është ai i 17 majit, që u mbyllën bashkë atje. E dinë gjithë shqiptarët dhe demokratët se kush është”.
Lexo më tej: Meta: Paketa fiskale, tentativë fashiste
Lexo më tej: Dosjet, reagon Meta: Rilindasit mavi të “mprehin” brisqet
