Ambasadori britanik Alastair King-Smith ka folur për akuzat ndaj tij të kruet të PD-së, Sali Berisha. Ky i fundit e etiketoi si “burokrat të korruptuar”. Në një intervistë në emisionin “Në shënjestër” në News 24 ai tha se ata që janë të përfshirë në krim dhe korrupsion, ta dinë se nuk do t’u shpëtojnë veprimeve të Britanisë.
“Përsëri, theksoj se nuk do të komentoj për raste individuale. Natyrisht, ne kemi një partneritet midis institucioneve të drejtësisë këtu dhe institucioneve të drejtësisë në Mbretërinë e Bashkuar. Aty ku ka kërkesë për ta bërë këtë, por nuk do të komentoj për raste individuale.
Nuk kam ndërmend të bëj komente konkrete veçse të them se në një kohë kur zgjedhjet lokale po afrohen. Ne e dimë që politikanët ndonjëherë bëjnë akuza dhe përpiqen të bëjnë deklarata në mbështetje të qëllimeve të tyre politike.
Ky nuk është roli i ne diplomatëve. Si ambasador britanik, unë jam këtu për të përfaqësuar qeverinë dhe popullin britanik. Do të sigurohem të bëj këtë. Do t’i shpjegoj sa më qartë politikat e qeverisë britanike. Por nuk më takon mua të shkëmbej akuza apo komente" - tha ai.
Pyetjes se pse po i anashkalonte këto akuza, ambasadori britanik iu përgjigj: “Siç thashë, roli im këtu është të përfaqësoj qeverinë dhe popullin britanik dhe unë do të vazhdoj ta bëj këtë”. ©LAPSI.al
LEXO EDHE: “Non Grata” nga Britania/ Berisha: Akt korruptiv i ambasadorit
Ambasadori britanik: Në listën tonë “non grata” edhe biznesmenë
