Dalin detaje të reja për historinë e 49-vjeçarit shqiptar Avni Mecja. Ai u dorëzua në policinë italiane pasi u shpall në kërkim për vra*jen e bashkëshortes së tij rumune Alexandra Elena Mocanune. Tani ka vendosur të rrëfehet. Ngjarja ndodhi në banesën e tyre në Bolzano.
Mediat italiane kanë zbuluar sot dëshminë e tij, i cili pasi ka rrëfyer krimin, ka treguar edhe skenarin që bëri në mënyrë që të arratisej dhe t’i shpëtonte drejtësisë.
Pas krimit ai ka rrëfyer se është arratisur drejt Shqipërisë. Para se të largohej ka telefonuar vëllanë duke i thënë se ishte në kërkim dhe duhej të zhdukej. Ditën e djeshme, në rrethana jo shumë të qarta, ai tha se është kthyer në Itali për t’u vetëdorëzuar, duke fluturuar me avion nga Shqipëria drejt vendit fqinj.
Në prokurorinë e Bolzanos ai rrëfeu krimin. Tani ai është në burg. Mecja u largua rreth orës 3 të natës nga zyrat e prokurorisë së Bolzanos në Piazza Tribunale. Ai mbante syze dielli dhe një kapuç të zi. Ishte një marrje e gjatë në pyetje. Burri mund të ketë vrarë partneren e tij të shtunën në mbrëmje. ©LAPSI.al
