Nuk është në krye të renditjes, por është padiskutim surpriza e madhe e këtij kampionati. Erzeni, për si nisi sezoni e për mënyrën si u ndërtua, është duke bërë përtej cdo pritshmërie. Skuadra e Kapllanit është duke i dhënë vlerë një parimi që në futboll është vështirë të aplikohet me këtë përqindje suksesi. Shijakasit marrin maksimumin me minimumin realizativ.
Si ish-portier tekniku do të firmoste padiskutim për fitore 1-0. Por duket se edhe te skuadra ka indoktrinuar dëshirën për ta bërë këtë filozofi karakteristikën kryesore të Erzenit. Pretendentët janë rrëzuar të gjithë para shijakasve të cudirave. Tirana ishte e fundit që provoi cinizmin e skuadrës së vogël, që bën të madhen me të mëdhatë. Para tyre u shembën edhe Vllaznia, Laci e Partizani, të gjithë të mundur me rezultat të saktë 1-0.
Erzeni ka numrin më të lartë të fitoreve 1-0 në këtë fazë të parë, që në fakt është rezultati i të katër fitoreve të tyre. Për më tepër ata i gëzohen gjithashtu një statistike edhe më evidente. Xhika është portieri që ka ruajtur më shumë herë portën të paprekur: 7 herë në 9 ndeshje.
Lexo më tej: Erzeni mposht Tiranën për herë të parë në histori: Kahrimanovic e futi Shehin në rekordin negativ
Nëse golavarazhi i Erzenit është negative 5-6 është sepse në dy ndeshjet e vetme të një faze, nga ku lojtarët e Kapllanit kanë dalë të mundur, kanë pësuar 4 në Ballsh e dy në shtëpi me Kukësin. Për pjesën tjetër skuadra shijakase është e pakapshme: mbrojtja më e mirë e kampionatit, bashkë me Egnatian e Kastriotin dhe sulmi më efikas në raportin gola-pikë.
