Erling Haaland ndjek shembullin e shokut dhe shokut të tij të skuadrës Jack Grealish. Norvegjezi, në fakt, është imazhi i re e markës së orëve Breitling. Sulmuesi tashmë ka pozuar për fushatën e tij të parë reklamuese si model. Haaland ka ekspozuar një orë nga kompania zvicerane, me vlerë rreth 5300 euro.
Lojtari i Manchester City, për mikrofonat e GQ, ka rrëfyer se është adhurues i orëve. E sigurisht, është gati të prezantojë fushatën e re reklamuese të markës zvicerane: “Kam qenë gjithmonë adhurues i orëve. Më pëlqen të ndjek modën, tendencat e reja dhe në të njëjtën kohë i vlerësoj shumë modelet klasike”.
Haaland tha se ishte i emocionuar me këtë partneritet të ri dhe foli për lidhjen e tij me Breitling: “Unë isha një fans i markës që përpara. Nëse e njihni stilin tim, e dini që gjithmonë zgjedh një pamje të pastër. Breitling i ri përfaqëson plotësisht këtë koncept sepse është një orë që mund të përshtatet me gjithçka që bëj. Mezi pres ta prezantoj dhe më në fund të mund ta mbaj”.
Prandaj, Haaland bëhet një model. Ai kështu ndjek hapat e shokut të tij të skuadrës Grealish. Anglezi ka nënshkruar një marrëveshje prej 1 milion paund me Gucci. Norvegjezi nuk është atleti i parë që ka partneritet me Breitling. Sulmuesi i bashkohet yllit të NBA-së, Giannis Antetokounmpo, snowboarder-it Chloe Kim dhe lojtarit të futbollit amerikan Trevor Lawrence.
PËRSE BREITLING ZGJODHI HAALAND
CEO i markës zvicerane, tifozi i madh i futbollit, Georges Kern, është i lumtur që e ka bindur norvegjezin të bashkohet me ekipin e Breitling: “Erling Haaland është pikërisht ajo që ne kërkojmë nga një anëtar i ekipit. Ai është një interpretues i fuqishëm, ka një karakter të jashtëzakonshëm, është plotësisht autentik dhe me këmbë në tokë. Erling është mishërimi absolut i luksit të rastësishëm dhe gjithëpërfshirës të Breitling".
Norvegjezi ka shënuar tashmë 22 gola në vetëm 15 ndeshje për Manchester City këtë sezon. Haaland mund të thyejë rekordin për më shumë gola në një sezon të vetëm në Premier League. Rekordi, i cili aktualisht mbahet nga Alan Shearer dhe Andy Cole me 34 gola.
