Një arsenal armësh është zbuluar në qytetin e Elbasanit. Mësohet se armët janë evidentuar në banesën e Luis Gazhit. Blutë njoftojnë se u kapën dy automatikë me silenciator, 3 pistoleta, 2 mina me telekomandë. Ato dyshohet se do të përdoreshin nga grupet kriminale për ekzekutimin e pjesëtarëve të grupeve të ndryshme kriminale.
Në pranga është vënë 37-vjeçari Luis Gaxhi, 37-vjeç, lindur dhe banues në Elbasan si dhe Rigers Spahiu, 37 vjeç, lindur dhe banues në Elbasan. Ky i fundit dyshohet si bashkëpunëtor në aktivitetin kriminal të shtetasit Luis Gaxhi. Ai akuzohet për veprat “Veprime që pengojnë zbulimin e së vërtetës” dhe “Përkrahja e autorit të krimit”.
