Qeveria e Kosovës ka reaguar pas drafteve të publikuara në media për Asociacionin të komunave me shumicë serbe. Sipas qeverisë asociacionet me karakter themeltar etninë, bien ndesh me Kushtetutën e Kosovës.
Në një përgjigje për Gazetën Express, zëdhënësi i Qeverisë së Kosovës, Përparim Kryeziu tha se komunitetet jo-shumicë në Kosovë kane nevojë për integrim dhe jo për izolim.
“Qëndrimi ynë për Asociacionin e Komunave me Shumicë Serbe është i njohur, i qartë dhe i njëjtë. Asociacione që karakter themeltar kanë etninë bien ndesh me Kushtetutën e Republikës sonë dhe vet karakterit e shtetit tonë. Për më tepër, komunitetet jo-shumicë kenë nevojë për integrim, jo izolim”, - ka thënë Kryeziu.
Ai nuk e ka quajtur draft gjerman, atë që sot u publikua në media, veçse një draft pa autor.
“Sa i përket dokumentit që ka qarkulluar sot në media, ai përveçse draft, është pa autor. Në anën tjetër ne jemi Qeveri e Republikës së Kosovës që kemi kushtetutshmëri dhe ligje të cilat i mbrojmë dhe respektojmë”, - ka deklaruar zëdhënësi i Qeverisë.
Mediat publikuan një draft-statut për themelimin e Asociacionit. Aty ku thuhet se prapa tij qëndron qeveria gjermane. Mbi Qeverinë e Kosovës është shtuar presioni ndërkombëtar për zbatimin e marrëveshjes për Asociacionin dhe përmbylljen e marrëveshjes me Serbinë. /LAPSI.al
LEXO EDHE: Ndërhyrja e Escobar/ Të tjera detaje për dialgoun Kosovë – Serbi
