Një shpërthim tritoli është regjistruar mesnatën e së martës në Tiranë. Burime nga policia thanë se shpërthimi ka ndodhur në rrugën “Sami Frashëri” pranë sheshit Willson.
Lënda plasëse është hedhur në derën e jashtme të një dyqani rrobash.
Për pasojë ka vetëm dëme materiale dhe jo persona të lënduar.
Në vendin e ngjarjes kanë shkuar forca të policisë. Janë duke u marrë dëshmitë dhe po sekuestrohen pamje të kamerave të sigurisë.
Në pikat kyçe të kryeqytetit shihen lëvizje të forcave të policisë me qëllim ndalimin e autorëve. ©LAPSI.al
