Militano nuk ka arritur t'i gëzohet deri në fund triumfit në El Casico kundër Barcelonës. Braziliani duhet në fakt të mbrohet nga një 'sulmues' më i paparashikueshëm se Lewandowski. Ish-e dashura Karoline Lima i ka dëshmuar Militao në rrjetet sociale se është gati të luftojë. "Tani nis një luftë mes të rriturve", tha ajo.
Influencuesja ndau disa histori në Instagram në të cilat ishte e befasuar dhe e inatosur me Militao: “Nuk do të mbyll më sytë”. Të enjten e kaluar, Éder Militao dyshohet se ka nisur procedurat ligjore kundër partneres së tij, Karoline Lima, sipas raportimeve të medias 'UOL Esporte'. Arsyeja? Të fiksojë shumën e pagesës për mbajtjen e vajzës së tij në 6060 reais brazilian në muaj (1200 euro). Një lëvizje që habiti shumë influencuesen, e cila përmes avokates së tij Gabriella García bëri të ditur se “nuk e donte këtë denoncim” dhe se po negocionin këtë shifër “në mënyrë të jashtëzakonshme”. “Tani duhet të kuptojmë procesin dhe ta studiojmë rastin”.
DEKLARATA E 'LUFTËS'
Karoline Lima shprehet e zhgënjyer: “Sot, edhe një herë, jam e befasuar nga një tjetër procedurë e ish-it tim: edhe një herë e zbulova përmes mediave. Nuk kam ende akses 100% në këtë proces. Avokati im është tashmë në punë. Por unë do t'ju them vetëm një gjë: nëse gjithçka që del nga media është e vërtetë (shpresoj që jo) nuk do ta mbyll më gojën. Nuk do të pretendoj më sikur asgjë nuk po ndodh. Nuk do të mbyll më sytë".
E pastaj edhe deklartata kërcënuese: "Tani fillon një luftë e të rriturve. Unë jam grua, jam nënë, kam karakterin tim dhe falë Zotit kam zë. E ndoshta kjo ju shqetëson. Pyes veten se sa gra kanë përjetuar të njëjtën situatë. Kështu që tani do të përdor zërin tim për të ekspozuar gjithçka që kam kaluar. Gjithçka që po kaloj dhe atë që do të kaloj. Nuk do të lejoj asnjë burrë, aq më pak babai i vajzës sime, të shkatërrojë karakterin tim dhe atë që jam në të vërtetë. E më pak gënjeshtra për mua. Kush ishte me mua e di, por tani do ta mësoni të gjithë”.
