Policia e shtetit ka reaguar pas arrestimit të një efektivi të rrugores së Tiranës me lëndë narkotike në Turqi.
Policia shqiptare thotë se edhe vetë ka nisur hetimet për rastin. Në pranga ranë 3 shqiptarë të identifikuar si polici Florenc Bicerri, ish-komandoja Kujtim Çeliku dhe Adrian Qirici.
“Sqarojmë se punonjësi i Komisariatit të Policisë Rrugore Tiranë, shtetasi Florenc Bicerri, tashmë i arrestuar në Turqi, ka dalë nga Shqipëria, nëpërmjet Rinasit, më datë 05.10.2022.
Për këtë punonjës policie, Drejtori i Përgjithshëm i Policisë së Shtetit ka urdhëruar përjashtimin e menjëhershëm dhe përgjithmonë, nga Policia e Shtetit.
Grupi i dedikuar hetimor, në bashkëpunim me Agjencinë e Mbikëqyrjes Policore dhe me homologët turq, po vijon punën për zbardhjen e rrethanave të rastit, evidentimin dhe kapjen e personave të tjerë të implikuar në këtë rast të trafikimit të lëndëve narkotike” – thuhet në reagimin e policisë së shtetit. ©LAPSI.al
LEXO EDHE: U kap me lëndë narkotike, arrestohet në Turqi efektivi i policisë së Tiranës
