Video/ Saka lë nam në Europa League, godet xhamin e një apartamenti: tifozi tronditet por shpëton mirë

Europa League, edhe një herë, na dhuron një episod vërtet unik. Në ndeshjen mes Bodø/Glimt dhe Arsenal, një goditje e Bukayo Saka për pak sa nuk goditi një njeri. Asgjë e çuditshme, përveç faktit se tifozi nuk po e ndiqte ndeshjen nga tribuna. Ai po shihte takimin nga dritarja e banesës së tij, me pamje nga fusha e Aspmyra Stadion. Skuadra e Mikel Arteta fluturoi drejt Norvegjisë për raundin e katërt të fazës së grupeve të Europa League. Bukayo Saka, i cili kishte udhëhequr Gunners kundër Liverpool me një dygolësh gjatë fundjavës, shënoi përsëri golin e fitores. Një paraqitje jofrymëzuese për Arsenal, që vuajti edhe nga fusha sintetike. Megjithatë, 0-1 konfirmoi lidershipin e klubit londinez në grupin A. 21-vjeçari ishte ylli i mbrëmjes, por jo vetëm për golin që i dha skuadrës tre pikët. Edhe në pjesën e parë të ndeshjes, Saka ishte pranë golit. Por tentativa përfundoi të godiste plotësisht një tifoz. Në fakt, goditja përfundoi mbi traversë drejt e në dritaren e një apartamenti me pamje nga fusha e Aspmyra Stadion.

EPISODI

Tifozi ishte akomoduar në banesën e tij dhe po shijonte lojën. Kur 21-vjeçari goditi topin, burri po shikonte në një drejtim tjetër. Topi kërceu në kornizën e dritares dhe për pak e goditi në fytyrë. Një trembje e madhe për tifozin, që fatmirësisht nuk u dëmtua.

Bukayo Saka's shot almost took him out in his own apartment. ? pic.twitter.com/pPREry6P1x

— CBS Sports Golazo ⚽️ (@CBSSportsGolazo) October 14, 2022

Është folur shumë në rrjetet sociale për incidentin: “Njëri thjesht pushon në shtëpinë e tij, është gati për të ngrënë darkë dhe Bukayo Saka të plas topin në shtëpi”, shkruan dikush. E një tjetër shtoi: “Goditja e Saka drejtohet nga njeriu që po pushon në banesën e tij... Vetëm në Europa League”. Ose përsëri: “Saka e hodhi topin përmes dritares e në banesën e dikujt. Çfarë është ky turne?”.