Ditën e sotme pedagogët kanë dalë në protestë para Universitetit të Arteve teksa kërkojnë që të plotësohen kërkesat e tyre. Mes kërkesave që ata i kanë konsideruar si të panegociueshme janë rritja e pagave për pedagogët dhe stafin ndihmës dhe rritja e financimit për kërkimin shkencor.
Pedagogët kërkojnë rritje 50 për qinnd të pagës, me dy faza 30 për qind një vit dhe 20 për qind vitin tjetër. Kjo protestë vjen pak ditë para nisjes së vitit të ri akademik, ku pedagogët kanë paralajmëruar se do të ketë bojkotim nëse nuk do të plotësohen kërkesat e tyre.
