Braktisjen e Ramës në darkën e organizuar nga ana e tij në Stransburg kreu i Partisë së Lirisë, Ilir Meta e konsideron si një mesazh të qartë për Ramën se po cenon seriozitetin e institucioneve më të rëndësishme evropiane. Por kjo sipas Metës nuk është gjë tjetër veçse për të shmangur vëmendjen nga skandalet e jashtëzakonshme ku është përfshirë qeverisja e vendit.
"Bojkotimi i fundit në Stransburg ndaj kryeministrit aktual ishte një mesazh i qartë se bllofet dhe shfaqjet teatrore që ai organizon duke cënuar dhe seriozitetin e institucioneve më të rëndësishme evropiane nuk mund të mbulojë kursin e tij aventuresk që nuk është gjë tjetër veçse për të shmangur vëmendjen nga skandalet e jashtëzakonshme ku është përfshirë qeverisja e vendit.“Angazhimi ynë mbetet i përqendruar jo vetëm në denoncim të këtyre fenomeneve të qarta të keqqeverisjes por dhe të të gjitha përpjekjeve tona për ti dhënë fund kësaj keqqeverisje duke propozuar iniciativat tona.”, tha Meta.
