23 fëmijë janë vrarë muajin e kaluar gjatë protestave në Iran. Kjo shifër del nga raporti i fundit i Amnesty International, sipas të cilit disa prej tyre ishin deri 11 vjeç. Raporti i kryer nga një mbikëqyrës i të drejtave të njeriut akuzon forcat e sigurisë të vendit që synojnë të rinjtë.
Në një deklaratë, Amnesty tha se “shtypja brutale nga autoritetet iraniane për atë që shumë në Iran e konsiderojnë një kryengritje popullore kundër sistemit të Republikës Islamike, ka përfshirë një sulm të gjithanshëm ndaj protestuesve fëmijë, që kanë dalë me guxim në rrugë në kërkim të një të ardhmeje pa shtypje politike.”
“Fëmijët viktima përfshijnë 20 djem, të moshës nga 11 deri në 17 vjeç, dhe tre vajza, dy prej të cilave ishin 16 vjeç dhe një 17 vjeç”, thuhet në deklaratë.
Protestat mbarëkombëtare kundër regjimit islamik që ka sunduar Iranin për dekada kanë mbërthyer vendin pas vdekjes së 22-vjeçares Mahsa Amini muajin e kaluar, pasi ajo u arrestua nga policia morale e vendit sepse nuk mbante siç duhet hixhabin e saj.
Vdekja e saj ka shkaktuar përleshje të dhunshme midis demonstruesve dhe autoriteteve, duke lënë të dhjetëra të vdekur dhjetëra dhe të plagosur.
