Presidenti rus Putin ka sugjeruar që Turqia të bëhet një qendër energjetike për të shpërndarë gazin rus në Europë, sipas BBC.
Në një takim me presidentin e Turqisë, Rexhep Tajip Erdogan, ai tha se rruga nëpërmjet Turqisë do të ishte mënyra më e mirë dhe e besueshme për të eskportuar gazin në BE.
Furnizimi me gaz përmes gazsjellësit Nord Stream nga Rusia në Gjermani është ndërprerë që kur Rusia pushtoi Ukrainën dhe u ndalua plotësisht pas një shpërthimi në tubacionin në Detin Baltik, i cili besohet të ketë qenë një akt i qëllimshëm sabotimi.
Të mërkurën, Putin tha se vëllimet e humbura nga gazsjellësi Nord Stream mund të kompensohen duke e bërë Turqinë qendrën më të madhe për furnizimet me gaz në Europë.
