Kryebashkiaku i Vlorës Dritan Leli është thirrur sërish në SPAK. Kjo është hera e dytë që Leli merret në pyetje nga Prokuroria e Posaçme. Kryetari i bashkisë Vlorë u paraqit në SPAK në datën 22 korrik. Herën e parë ai nuk sqaroi arsyet e thirrjes së tij para organit të akuzës, duke u përgjigjur shkurtimisht:
“Pyesni SPAK për më shumë informacione".
Prokuroria është treguar e rezervuar në dhënien e informacioneve të mëtejshme për hetimin mbi të cilin po pyetet kryebashkiaku. Ndërkohë kujtojmë se kryeministri, Edi Rama prej kohësh e ka sulmuar haptas Lelin për mbarëvajtjen e punëve dhe pastrimin në Vlorë.
