Konflikti mes ciftit më të famshëm të Romës, që u divorcua pas 17 vitesh martesë, nuk njeh kufi. Pas akuzave të ndërsjella për përvetësim të koleksionit të orëve Rolex dhe këpucëve firmato vjen një episod i ri. Ilary Blasi pasi po kërkon këpucët Chanel e Gucci në rrugë ligjore, ka dashur të hakmerret ndaj Francesco Totti. Ajo postoi një video në rrjetet sociale një javë më parë, ku shfaqej para një dyqani Rolex në qendër të Romës. Blasi i ka shkelur syrin ndjekësve, duke bërë gjestin e vjedhjes me dorë, duke shënjestruar Tottin. Në këtë mënyrë Blasi po tallej me akuzën se i kishte vjedhur së bashku me të atin disa orë me vlerë të lartë.
Lexo më tej: Nga dollapi zhduken 100 palë këpucë luksoze: Ilary Blasi akuzon se ‘hajduti’ është Totti
NDALIM PARKIMI - Problemi, megjithatë, nuk ishte përmbajtja e videos. Ilary Blasi u gjobit sepse gjatë regjistrimit, ajo e kishte lënë makinën e saj - një Smart i argjendtë për dy - aty ku ndalohej parkimi. Policia lokale e gjeti atë dhe aplikoi sanksionin, siç raportoi Chi. Fotot e publikuara nga e përjavshmja tregojnë Blasin, që pasi parkoi aty ku nuk lejohej, shëtiti nëpër qendër të Romës. Në shoqërinë e saj ishte Alessia Solidani, stilistja e flokëve e akuzuar nga Totti se i kishte prezantuar meshkuj të tjerë ish-bashkëshortes. Në fillim video, disa blerje dhe pastaj kthimi i hidhur në makinë, ku gjeti policinë rrugore dhe gjobën. Nuk do të vlejë sa një Rolex, por talljen Ilary e pagoi shtrenjtë.
