Jo vetëm në fushë, Juventusi është rrëzuar edhe në bursë. Që nga 2 qershori, kur kishte arritur kulmin e fundit prej 0.40 € për aksion, aksionet e kompanisë Juventus kanë humbur më shumë se 33%. Kështu, kapitalizimi i Bursës ka zbritur në 680.9 milionë euro. Në Piazza Affari është një ditë e keqe pas disfatës ndaj Maccabi Haifa, që vuri në rrezik të madh kualifikimin në turin e dytë të Champions League.
Lexo më tej: Video/ Maccabi fundos Juventus, eliminimi pothuaj i sigurtë: City ‘ngec’ në Kopenhagen
Te Juventus llogaritë nuk dalin si brenda ashtu dhe jashtë fushës. Nga njëra anë skuadra e Allegrit është në qendër të ciklonit për shkak të mungesës së rezultateve. Nga ana tjetër kjo krizë ka prekur edhe llogaritë në Bursë. Titulli i Juventusit është nën presion në Piazza Affari dhe nuk duket se arrin të gjejë rrugëdalje. Një trend vërtet negativ që, në fakt, filloi qershorin e kaluar, pasi përfundoi sezoni i kaluar. Dalja gjithnjë e më e mundshme nga Champions League do të ketë një ndikim të madh negativ në llogaritë dhe investitorët kohët e fundit preferojnë të qëndrojnë larg aksioneve bardhezi.
Aksionet e klubit të Juventusit në Piazza Affari në orën 11:00 shënuan një humbje prej 3.7% në 0.2688 euro për aksion. Në orët e para të kontraktimit u shkëmbyen 5.5 milionë pjesë. E gjitha në një mesatare ditore të tre muajve të fundit të barabartë me 5 milionë. Gjithçka në një kontekst të humbjes së vazhdueshme për titullin e Juventusit, të nisur qershorin e kaluar
