Një lojtar i plotësuar me trofe të panumërt që po kërkonte një aventurë, që mund t'i jepte motivime të reja. Megjithatë, përvoja te Manchester United nuk ka qenë deri më tani ashtu si pritej. Fjala është për brazilianin Casemiro, i cili u transferua te Red Devils nga Real Madrid këtë verë. E tani mesfushori duket se është penduar për zgjedhjen e tij.
Në fakt, sipas asaj që raporton Todofichajes, braziliani i është rrëfyer një rrethi të ngushtë miqsh. Ai i ka shprehur atyre se është penduar për vendimin për t'u larguar nga Real Madrid dhe se ka shumë keqardhje. Jo vetëm kaq. Casemiro është i hapur për një lamtumirë të pabesueshme që në merkaton e dimrit.
Lexo më tej: Casemiro shpërthen në lot para Perez: braziliani shpjegon arsyet përse zgjodhi Manchester United
Në fakt, vështirë se ai mund të shitet duke pasur parasysh investimin e fortë të United për të (mbi 70 milionë). Por ekziston gjithnjë mundësi që të kërkohet një zgjidhje me huazim. Mesfushori kërkon të luajë vazhdimisht dhe me Ten Hag, të paktën deri më sot, kjo nuk ka ndodhur. Mbetet për tu parë nëse do të ketë zhvillime në këtë cështje dhe cila do të jetë e ardhmja e brazilianit.
