Një traktor ishte një nga dhuratat më të çuditshme për ditëlindjen e Vladimir Putin. Kreu i Kremlinit mbushi 70 vjet këtë të premte. Traktori iu dhurua nga aleati i tij bjellorus, Alexander Lukashenko. Vendi i tij krenohet me një traktor që prodhohet në vendin e tij. Lukashenko konfirmoi lajmin teksa vizitoi qytetin e lindjes së mikut të tij, Shën Petersburg. Aleatët e tij i bënë lëvdata dhe dhurata njeriut që ka udhëhequr Rusinë për më shumë se dy dekada.
Lukashenko, i quajtur si "diktatori i fundit" i Evropës pasi ka qenë në pushtet edhe më gjatë se lideri rus (që nga viti 1994) dhe administrata e të cilit është gjithashtu nën sanksionet perëndimore, shkoi në Shën Petersburg me një certifikatë dhuratë për automjetin e prodhuar në Bjellorusi. “Minsk Tractor Works” është flamuri i industrisë bjelloruse. Nuk është e qartë se si Putin e priti këtë dhuratë përpara malit me pjepra dhe shalqinj të dhuruara nga Presidenti i Taxhikistanit, Emomali Rahmon.
https://twitter.com/BBCWillVernon/status/1578360790200950784?ref_src=twsrc%5Etfw%7Ctwcamp%5Etweetembed%7Ctwterm%5E1578360790200950784%7Ctwgr%5E7c6ae0c393110a5b0743f1dc104209ab532e4bee%7Ctwcon%5Es1_c10&ref_url=https%3A%2F%2Fwww.bbc.com%2Fnews%2Fworld-europe-63176124
Putin është parë shpesh në drejtimin e traktorëve. Nuk munguan as lëvdatat. Kreu i Kishës Ortodokse Ruse, Patriarku Kirill foli për “transformimin e imazhit të Rusisë, forcimin e sovranitetit dhe aftësisë së saj mbrojtëse dhe mbrojtjen e interesave të saj kombëtare". "Patrioti numër një në botë" e quajti Ramzan Kadyrov, udhëheqësi i Çeçenisë i mbështetur nga Moska. Edhe lideri i Koresë së Veriut, Kim Jong-un e përgëzoi Putin për "dërrmimin e sfidave dhe kërcënimeve të Shteteve të Bashkuara".
Në krahun tjetër armiqtë e Putinit shfrytëzuan rastin për ta përshkruar si “një kriminel lufte që përpiqet të shkatërrojë një vend tjetër, duke shkatërruar vendin e tij”. Ndërsa në kryeqytetin çek, Pragë, demonstruesit tallën me një statujë gjigante. Ajo e prezantonte atë si një perandor lakuriq. Të ulur në një tualet të artë. ©LAPSI.al
