Deputeti Enkelejd Alibeaj deklaroi se PD do të merrte pjesë në zgjedhje vetëm me një kandidat, duke shtuar se nuk do donte përsëritjen e 6 marsit.
Ai tha se PD duhet të dilte me një kandidat në zgjedhje dhe se lëvizjet për të nxjerrë kandidatë të tjerë, nuk u shërbenin demokratëve.
“PD do të hyjë në zgjedhjet lokale të 2023. Qytetarët shqiptarë mezi presin të shkojnë në zgjedhje. Shoqëria duhet të shprehë vullnetin e saj ndaj pushtetit. Ka vetëm një subjekt ligjor me emrin PD, ky subjekt ligjor që drejtoj do marrë pjesë në zgjedhje.
Ne do të testohemi edhe vetë në zgjedhjet lokale. Nuk do doja kurrë të përsëritej 6 marsi, në 6 mars votuesit kanë pasur një kandidat të PD, ndërsa kandidati tjetër i opozitës ishte me një tjetër sigël. Demokratet duhet të kenë një kandidat në zgjedhje, lëvizjet për të nxjerrë kandidatë të tjerë, nuk i shërbejnë PD-së. PD është një subjekt dhe duhet të nxjerrë një kandidat. Duhet bashkim i demokratëve dhe i qytetarëve, ne nuk e kemi luksin të kemi kandidatë të tjerë në garë”. Kështu u shpreh Alibeaj në një intervistë për news24.
Lexo më tej: Berisha ftesë për grupin e Alibeajt: Çdo deputet mund të kandidojë në zgjedhjet lokale
