Policia ka dhënë detaje për sherrin që ndodhi mbrëmjen e së enjtes në Vlorë. Nga përplasja mes disa personave kanë mbetur 3 të plagosur me thikë. Sipas policisë ngjarja ka ndodhur rreth orës 20:40, në lagjen “Lef Sallata”, pranë shkollës “24 Maji”.
Të njëjtat burime thanë se dyshohet se Mexhit Arapi, 40 vjeç si pasojë e një konflikti të çastit, ka goditur me thikë Ervis Sejko, 35 vjeç dhe Kevin Nuredinit, 23 vjeç. Dy të rinjtë, banues në Vlorë ndodhen në spital nën kujdesin e mjekëve. Shërbimit e Policisë kanë kapur menjëherë edhe autorin e ngjarjes.
Edhe 40-vjeçari është transportuar për ndihmë mjekësore në spital pasi mësohet se edhe ai ka lënduar veten e tij në sherrin me 2 të tjerët. Një grup hetimor ndodhet në vendngjarje dhe po punon për sqarimin e plotë të rrethanave. ©LAPSI.al
[video width="352" height="640" mp4="https://cdnimpuls.com/lapsi.al/wp-content/uploads/2022/10/WhatsApp-Video-2022-10-06-at-21.18.59.mp4"][/video]
