“E patë edhe ju?”: vështrimi i Pep Guardiola pas golit të dytë të Erling Haaland, në ndeshjen e mbrëmshme kundër Copenhagen thotë ekzaktësisht kështu. Një shikim i njëjtë me tifozët e Manchester City që shohin sulmuesin e tyre të shënojë në çdo ndeshje. E me këto shifra e performanca vështirë se arrin të besohet. Sulmuesi norvegjez ka shënuar 28 gola në 22 ndeshje të Champions League mes City, Borussia Dortmund dhe Salzburg. Tani për lumturinë e Pep.
Lexo më tej: Video/ Chelsea shkund Milan, 3-0 në fushë edhe Broja: Haaland, i tmerrshëm për City, Juventus merr fitoren e parë
Tre golat kundër Manchester United të dielën thonë se Haaland ka shënuar 14 në tetë ndeshjet e tij të para në Premier League. Këtu përfshihet edhe arritja unike e trigolëshave të njëpasnjëshme, në tre ndeshje të kampionatit në shtëpi. Edhe para derbit, norvegjezi i ishte bashkuar një grupi të përzgjedhur lojtarësh që kishin shënuar trigolësha radhazi në Premier League. Kështu, Pep nuk kishte si të mos habitej me djalin e tij të mrekullive.
Haaland ka arritur edhe një tjetër rekord. Më parë, Michael Owen mbante rekordin për më pak ndeshje të nevojshme për të shënuar tre trigolësha. Owen bëri debutimin e tij në Premier League në maj 1997, shënoi trigolëshin e parë në paraqitjen e tij të 28-të dhe arriti tre në ndeshjen e tij të 48-të në kampionat. Atë për të cilin Owen iu deshën 18 muaj, Haaland e bëri në tetë javë.
