Alfie Haaland, babai i fenomenit të Manchester City, Erling, i bën të ëndërrojnë klubet e mëdha të Serie A, La Liga e Ligue 1. "Mendoj se ai dëshiron të testojë cilësitë e tij në të gjithë kampionatet - ishin fjalët e babait të Haaland, të raportuara nga Times. Alfie ka folur gjatë promovimit të dokumentarit për djalin e tij, 'Haaland, vendimi i madh' -. Kështu, ai mund të luajë në çdo kampionat maksimumi 3 ose 4 vjet. Mund të kalojë dy vjet e gjysmë në Gjermani, dy vjet e gjysmë në Angli dhe më pas në Spanjë, Itali dhe Francë, apo jo? Nuk e dimë nëse kjo do të ndodhë”.
Fjalë që bëjnë miliona tifozë të ëndërrojnë, por që shqetësojnë ata të City. Anglezët tashmë janë të çmendur pas norvegjezit, i aftë të shënojë 14 gola deri tani. I ati i Haaland shpjegoi gjithashtu zgjedhjen për të mbërritur në Premier League: "Në listën tonë menduam se ata ishin ekipi më i mirë. Bayern Mynih ishte numri dy, Real Madrid numri tre, PSG numri katër. Ekipet e tjera angleze, që po shkojnë mjaft mirë, si Liverpool dhe Chelsea, na donin gjithashtu. Pastaj ishte Barcelona. Të gjithë ishin pak a shumë në të njëjtin nivel për ne."
Barcelona, Real Madrid e PSG janë të favorizuara në këtë këndvështrim. Është vërtet e paimagjinueshme që një skuadër në Serie A të përballojë një lojtar që pas dy vitesh do të ketë një klauzolë largimi prej 180 milionë eurosh. Pa harruar se fiton rreth 30 milionë në vit. Por nëse ka një gjë që nuk kushton asgjë, është ëndërrimi.
