Kreu i Partisë së Lirisë Ilir Meta, ka deklaruar se Amnistia Fiskale është një ligj i cili është i urdhëruar nga bota e krimit.
Me anë të një postimi në Twitter, Meta bëri thirrje që kryeministri Edi Rama të mos “luajë” me të ardhmen europiane dhe integrimin e vendit në BE.
Opozita shqiptare nuk ka lënë deklaratë pa bërë kundër amnistisë fiskale. Si Meta dhe Berisha e akuzojnë Ramën për lidhje me krimin. Dhe këtë ligj e shohin pikërisht si një qokë të Ramës ndaj botës së krimit. Njëherazi, në kundërshti të fortë me iniciativën e kryeministrit është edhe faktori ndërkombëtar.
Postimi i plotë i Metës në Twitter:
Kryeministri Rama të mos provokojë më popullin shqiptar, të mos dëmtojë, vonojë dhe minojë procesin e integrimit europian të Shqipërisë. Të tërhiqet menjëherë nga projektligji për Amnistinë Fiskale, i cili është projektuar dhe urdhëruar nga bota e krimit.
Shpërfillja e papërgjegjshme e Qeverisë ndaj shqetësimeve të partnerëve tanë ndërkombëtarë në luftën kundër krimit të organizuar, është e papranueshme dhe e patolerueshme.
Lexo më tej: Rama: Amnistia Fiskale do të bëhet në Shqipëri
Lexo më tej: Rama nuk tërhiqet nga Amnistia Fiskale: Paragjykimet nuk i pranojmë
Lexo më tej: Komisioni zbraz projektligjin shqiptar për amnistinë fiskale
