Këtë të premte kryeministri Edi Rama njoftoi se nuk do të aplikohet fasha prej 800kWh për rritjen e çmimit të energjisë elektrike. Kjo u kuptua sikur vendimi ishte zhbërë përgjithmonë. Në fakt sqarimi ka ardhur Enti Rregullator i Energjisë. Në një deklaratë të ERE thuhet se çmimet do të rishikohen çdo muaj në bazë të situatës.
“Çmimet e vendosura nga ERE mbeten të aplikueshme për periudhën 1 tetor deri në 31 dhjetor 2022. Në situatën e emergjencës energjetike që ndodhemi, rishikimi i çmimeve do të jetë periodik.
Pra nëse Furnizuesi i Shërbimit Universal do të njoftojë për kosto të ndryshuara të çmimit të blerjes së energjisë, atëherë do të reflektohen dhe nga ERE. Për shembull, nëse për muaji tetor FSHU sh.a do ta sigurojë energjinë nga KESH sh.a me çmimin 2.6Lekë/kWh, çmimi i energjisë për konsumatorin familjarë do të mbetet 9.5Lekë/kWh" - thuhet në njoftimin e ERE. ©LAPSI.al
LEXO EDHE: Çmimi i energjisë/ Arsyet pse u zbyth Rama
