Një javë në Japoni për Romën. Verdhekuqtë, gjatë periudhës së ndalesës për Kupën e Botës, do të fluturojnë drejt Lindjes nga data 22 deri më 29 nëntor. Skuadra e Mourinhos do të përballet me Nagoya Grampus në Toyota Stadium më 25 nëntor. Pastaj më 28 nëntor do të luajë me Yokohama F. Marinos në stadiumin kombëtar të Japonisë.
"Jam i kënaqur që do të sjell lojtarët e mi në Japoni në nëntor për të marrë pjesë në Kupën e Evropës së Japonisë - tha trajneri portugez -. Mezi pres të luaj kundër Nagoya Grampus dhe Yokohoma F. Marinos. Ato janë dy nga ekipet më të mira dhe më të njohura”.
Mourinho pastaj i kthehet nostalgjisë, jo pa patur edhe një ndjesi bestytnie: “Kam kujtime shumë të mira nga vizitat e mia të mëparshme në Japoni dhe e di se sa shumë tifozët e atij vendi e duan futbollin. Kështu që është shumë emocionuese të kem mundësinë të kthehem edhe një herë aty. Për më tepër, lojtarët e mi do jenë në gjendje të vihen në provë kundër një kundërshtari të madh dhe përballë një turme të jashtëzakonshme”, përfundoi Special One.
