Kryetari i Partisë Demorkatike, Sali Berisha ka folur mbi rrogat dhe se si 8 vitet e fundit ato mund të ishin tre-fishuar nga qeveria Rama.
Sipas Berishës, mundësitë financiare për këtë ndryshim kanë qenë aty. Por, paratë janë përdorur për të ndërtuar 1 kilometër rrugë në autostradë me 24 milionë euro.
Lexo më tej: Rama: Rritet paga për policinë e shtetit, zjarrfikësit, gardën, policët e burgjeve dhe administratën
Berisha po ashtu deklaroi se në mes të Tiranës janë ndërtuar shkolla me 5 milionë euro, të cilat në Berlin ndërtohen me rreth 600 mijë euro.
“Rrogat në vitet 2005-2013 kam pasur dialog konstant me sindikatën e arsimit dhe shëndetësisë ndërsa rrogat në ato sektorë u mbi dyfishuan atë periudhë. Këto 8 vite rrogat pa asnjë vështirësi mund të ishin tre-fishuar. Sekotri privat është i detyruar të ndjeki sektorin publik me rrogat. Nëse sektori publik bën një mashtrim me rritje në 4 vite kur ka zgjedhje, privati nuk ka çfarë bën.
500 miliardë lekë ka marrë borxh, çfarë ka ndërtuar në 8 vite. Këto para i ka vjedhur duke ndërtuar 1 km autostradë me 24 mln euro. Duke ndërtuar shkollë në mes të Tiranës 5 mln euro sepse do ky lal-vjedhësi, shkollë që në Berlin ndertohët me 620 mijë euro. Shkollat e tërmeteve janë 3 grupe që ndërtojnë. Komuniteti ndërkombëtar e ndërton me 680 mijë euro se është standart, ka një manual që përcakton çdo çmim dhe çdo kosto. Kurse Veliaj ndërton shkolla me 4.2 mln me 5 mln, me 3 milionë të gjitha të tjerat. Vjedh dhe vetëm vjedh. Ku i merr. I ka vënë taksë arsimi çdo familjeje në Tiranë. Le ta konsiderojmë ktë një filllim të ri. Le t’i japim ërgjigjen që sindikatat janë në këmbë dhe të gatshme”. Kështu u shpreh Berisha në një takim me sindikatat të zhvilluar ditën e sotme.
