Radhë dhe probleme në shumë qendra votimit në Itali. Vendi fqinj mban sot zgjedhjet për qeverinë e re. Ndryshe nga herët e shkuara zgjedhjet po kalojnë pa probleme teknike. Për shkak të tyre janë krijuar radhë të gjata qytetarësh që presin të hedhin votën e tyre. Mediat italiane raportojnë se probleme ka nga Aosta në Catania, por edhe Milano, Torino, Romë dhe Cagliari.
Shkak është bërë një kupon kundër abuzimit me votën që u aplikua fillimisht në zgjedhjet e 2018-ës. Me ndryshimet në Kodiun Zgjedhor italian, çdo qytetar merr një kupon për të parandaluar shkëmbimin e votës apo hyrjen e fletëve të votimit nga jashtë. Kuponi është një kod alfanumerik progresiv që shkëputet nga fleta e votimit pasi qytetari merr fletën për të votuar.
Më pas qytetari shkon në dhomën e fshehtë ku shpreh preferencën e tij. Përpara se të hedhë fletën në kuti, kryetari i komisionit kontrollon nëse numri i kuponit është i njëjtë me atë të shënuar përpara marrjes së fletës. Vetëm pas këtij kontrolli, fleta e votimit mund të futet në kuti.
Zgjedhësit duhet të kontrollojnë që ky kupn është shkëputur nga fleta. Në të kundër vota e tyre konsiderohet e pavlefshme dhe anulohet. Por kjo procedurë e zbatuar vetëm për herë të dytë në zgjedhje duket se po has në probleme.
Procedura ka vonuar votimin në shumë qendra. Mediat italiane thonë se në shumë qendra ka radhë njerëzish që presin. Janë 51 milionë italiane që kanë të drektë vote. Deri në orën 12.00 kishin votuar 19.21%, një shufër e ngjashme me zgjedhjet e 2018-ës. Qendrat do të qëndrojnë të hapura deri në orën 23.00 ©LAPSI.al
