E diela e MotoGP në Japoni ka qenë e hidhur për Francesco Bagnaia, i rrëzuar disa kthesa nga fundi i garës në Motegi. Piloti i Ducatit, i cili po ndiqte nga afër Quartararo në luftën për vendin e tetë, rrezikoi për të parakaluar dhe humbi kontrollin. Desmosedici i tij u rrëzua dhe piloti shkatërroi një garë, duke e parë veten 18 pikë pas francezit kryesues. Për Bagnaia episodi nuk ka justifikime: “Bëra një ka***ik, më duhej të prisja”.
"Ishte një garë e komplikuar dhe nuk mund të bëja asgjë tjetër përveç frenimit të fortë. Por presioni në pjesën e përparme u rrit, isha në vështirësi dhe po rikuperoja në xhirot e fundit. Isha shumë ambicioz, gjithsesi u përpoqa", komentoi ai i zhgënjyer piloti i Dukatit.
Lexo më tej: MotoGP/ Pas rrëzimit të tmerrshëm, i përsëritet diplopia: karriera e Marc Marquez rrezikon mbylljen
Bagnaia megjithatë sheh edhe një anë pozitive: "Në këto raste e kuptoj se ku qëndron hapësira ime për përmirësim. Humbja e pikëve të tilla nuk është e mirë, duhet të kuptoj si të jem më i ftohtë dhe t'i mendoj gjërat më mirë. E kisha parë parakalimin, thjesht më duhej të prisja. E vetmja gjë pozitive është që nuk pengova Quartararo. Gjithsesi ai ishte në vështirësi gjatë gjithë garës, Aleix përfundoi prapa dhe nuk shkoi keq".
