Një aksident me pasojë vdekjen ka ndodhur në orët e para të mëngjesit të sotëm në aksin rrugor Mamurras-Milot. Mësohet se një grua ka tentuar të kalojë autostradën ndërsa një automjet e ka përplasur për vdekje. Viktima është ende e pa identifikuar.
Drejtuesi i mjetit është larguar menjëherë nga vendi u ngjarjes. Policia ka mbërritur për të hetuar për shkaqet e këtij aksidenti dhe bërë të mundur identifikimin e viktimës. Kjo autostradë mbetet problematike nga këmbësoret, të cilët bëjnë manovra të gabuara duke u munduar të kalojnë autostradën nga njëri krah në tjetrin, ndonëse pak metra më tutje ndodhet edhe mbikalimi ku mund të lëvizin.
Kurbin / Informacion paraprak
Rreth orës 07:00, në aksin rrugor Tiranë – Lezhë, në vendin e quajtur ” Mbikalimi i Patokut”, Kurbin, në hapësirën ndërmjet trafikndarësve, është gjetur pa shenja jete një shtetase ende e paidentifikuar, e cila dyshohet të jetë aksidentuar nga mjetet në lëvizje në këtë aks rrugor.
Grupi hetimor në vendngjarje, vijon punën hetimore për identifikimin e shtetases se aksidentuar, kapjen e drejtuesit së bashku me mjetin si dhe zbardhjen e plotë të rrethanave të aksidentit.
