Rruga Elbasan-Peqin është kthyer në rrugën e vdekjes, pasi në këtë aks janë shënuar aksidente të shumta rrugore me viktima dhe të lënduar.
Shpesh herë shkak për aksidentet ka qenë mungesa e sinjalistikës.
Rasti më i fundit është aksidenti që ndodhi këtë mëngjes rrugë në afërsi të fshatit Bishqem. Drejtuesi i një motoçiklete u përplas për vdekje nga një furgon.
Ndërsa mbrëmë në po të njëjtin aks në afërsi të fshatit Karinë vdiq një 49-vjeçar. Ky i fundit u përplas për vdekje me një makinë tjetër.
"Rruga e vdekjes" Elbasan-Peqin është tepër e frekuentuar pasi të çon në ish zonën e kombinatin metalurgjik.
Ky aks është i gjatë 35 kilometra dhe ka 8 kryqëzime në total.
Këtu mund t’i referohemi kryqëzimit në afërsi të Paprit.
Ai kalon nëpërmjet aksit nacional Elbasan-Peqin.
Në këtë zonë kanë ndodhur një numër i madh aksidentesh me pasoja të rënda.
Ndonëse aksidentet janë të shumta në këtë aks rrugor, pushteti vendor dhe drejtoria e rrugëve vijojnë të mos reagojnë dhe pse sinjalistika dhe ndriçimi është detyrim që ia cakton ligji shkruan AbcNews. Kjo rrugë nuk është e vetmja problematike në vend. Kujtojmë se edhe rruga e Shkodrës ka marrë prej vitesh jetë njerëzish.
Lexo më tej: Aksident rrugor në aksin Elbasan-Peqin, shënohet një viktimë
Lexo më tej: Aksidenti në aksin rrugor Elbasan-Peqin, arrestohet shoferi
