Një tjetër aksident rrugor ka ndodhur në aksin rrugor Elbasan-Peqin. Ngjarja e rëndë kësaj radhe është shënuar pranë fshatit Bishqem. Mësohet se një furgon tip "Ford" me drejtuesin me iniciale D.A nga Elbasani është përplasur me një motor. Përplasja ka rezultuar fatale për drejtuesin e motorit, i cili ka ndërruar jetë. Ai u transportua në spital, por burimet bëjnë me dije pavarësisht se 72-vjeçarit Myslim Saliut iu dha ndihma e parë mjekësore, nuk mundi t’i mbijetonte plagëve të shkaktuara në kokë.
Njoftimi i policisë
“Më datë 22.09.2022, në aksin rrugor Elbasan-Peqin, në fshatin Bishqem, mjeti furgon tip “Ford”, me drejtues shtetasin D. A., banues në Elbasan, është përplasur me motoçikletën me drejtues shtetasin M. S. Si pasojë e aksidentit ka humbur jetën, në spital, drejtuesi i motoçikletës, shtetasi M. S., rreth 72 vjeç, banues në fshatin Bishqem, Peqin. Grupi hetimor po punon për zbardhjen e shkakut të aksidentit’, njofton policia.
Të ngjashme: Pamjet/ Përplasje në Peqin, humb jetën 1 nga shoferët
Ndërkohë edhe mbrëmjen e djeshme në afërsi të fshatit Karin, një 49-vjeçar ndërroi jetë pasi u aksidentua me një tjetër makinë, ndërsa të plagosur mbetën edhe dy persona që ndodheshin në të. Ky aksident rrugor ndodhi po në aksin Elbasan-Peqin.
