Në maj 2021, pas eksperiencave të tij me Shakthar Dontesk, Bayern Mynih dhe Juventus, Douglas Costa u largua nga Evropa. Ai u kthye në Brazil, te Gremio, klubi ku u rrit profesionalisht. Megjithatë, eksperienca e tij e dytë me klubin brazilian rezultoi e dështuar. Sulmuesi anësor në dhjetor mbylli para kohe kontratën me "Tricolor" dhe më pas iu bashkua Los Angeles Galaxy në shkurt. Në MLS, braziliani ka gjetur vazhdimësi, ka bërë 21 paraqitje me 3 gola, duke ndihmuar kalifornianët të rrëmbejnë një vend në play-off.
Megjithatë, në javët në vijim, Douglas nuk do të jetë në fushë, por jo për dëmtimet e tij të zakonshme. Ish-lojtari i Juventus është bërë protagonist i një sjellje, jo tamam shembullore...
Fitorja bindëse 4-1 e Los Angeles Galaxy kundër Colorado Rapids e ka vendosur klubin kalifornian në vendin e shtatë. Pozicioni i fundit që kalon në play-off, me tre javë nga fundi i sezonit të rregullt të MLS. Javë në të cilat skuadra e drejtuar nga Greg Vanney ndoshta do të duhet të bëjë pa Douglas Costa. Braziliani u përjashtua rreth minutës së 60-të për sjellje të dhunshme, pasi humbi krejtësisht mendjen.
Lexo më tej: Video/ Pas simulimit, Chicharito lë ‘nam’ përsëri: penalltia e tij në shtesë është qesharake
NGJARJA
Douglas Costa duhet të ketë parë diçka që nuk shkonte mes një shoku të skuadrës dhe një kundërshtari. Ai menjëherë nxitoi të bënte drejtësi. Fillimisht ai e goditi fort Barrios me shpatull duke e hedhur në tokë. Më pas u përball me Gutierrez, duke e “shtrirë” me një shuplakë në fytyrë. Gjithçka nën sytë e arbitrit Dickerson, i cili nuk mund të mos i tregonte kartonin e kuq. Lojtarët e Kolorados reaguan ndaj sjelljes së brazilianit dhe rezultati ishte një sherr që mezi u shua nga arbitri. Një sjellje që do t'i kushtojë shtrenjtë atij dhe Galaxy, të cilët kanë vënë bast fort për brazilianin.
https://www.youtube.com/watch?v=f1opOb0upWE
