Lapsi Video

Aplikacioni

Android iOS
Flash

Video/ Urrejtja e tifozëve të Celtic ndaj Mbretëreshës nuk ka fund: pankartë e kore në minutën e heshtjes

Lapsi.al 19 September 2022
Video/ Urrejtja e tifozëve të Celtic ndaj Mbretëreshës nuk
Pas ndalimit për një javë për ndarjen nga jeta të Mbretëreshës Elizabeth II, futbolli britanik është rikthyer këtë fundjavë në fushë. E megjithatë ka patur homazh, minutë heshtje dhe duartrokitje për sovranen e ndjerë. Por jo të gjithë e respektuan zinë. Madje shfrytëzuan minutën e heshtjes për të organizuar protestën e tyre të ashpër kundër familjes mbretërore. Tifozët e Celtic Glasgow, të impenjuar në fushën e St Mirren, shfaqën një pankartë polemizuese dhe kënduan kore kundër monarkisë britanike. Është periudhë zie për të gjithë Mbretërinë e Bashkuar, ose pothuajse. Ka nga ata që përfituan nga humbja e Mbretëreshës Elizabeth II për të përshkallëzuar protestën e tyre kundër monarkisë. Tifozët e Celtic, gjatë minutës së heshtjes, shfaqën një pankartë të fortë të shoqëruar me duartrokitje ironike dhe kore polemizuese: "Nëse e urreni familjen mbretërore, duartrokitni", lexohej në pankartë, e ndjekur nga duartrokitje dhe shumë ofendime. Një qëndrim proteste që ka rrënjë të lashta.

URREJTJA E TIFOZËVE TË CELTIC

Celtic ka përfaqësuar gjithmonë pjesën e Glasgow të përbërë nga pasardhës të emigrantëve katolikë irlandezë dhe republikanë. Ata kanë qenë gjithmonë në konflikt të hapur me monarkinë dhe protestues kundër familjes mbretërore. Vetë klubi gjatë kësaj periudhe zie nuk i ndali aktivitetet e tij si të gjitha klubet e tjera britanike. Për më tepër, ata nuk ndërmorën ndonjë iniciativë për të kujtuar Elizabeth II. I kotë apeli i trajnerit të Celtic, Ange Postecoglou, i cili u kishte kërkuar tifozëve të tij të respektonin minutën e heshtjes. Hutim dhe siklet mes gazetarëve të SkySports që po përgatiteshin të komentonin ndeshjen e St Mirren Park: "Kërkojmë falje nëse ajo që u dëgjua mund t'ju ketë ofenduar," tha komentatori Ian Crocker. "Shumica e njerëzve treguan respekt, të tjerët jo".

Të këshilluara

ide

Një vjeshtë me atmosferë fund regjimi

Qoftë zarat e partisë së vet që i hedhin vickla, qoftë qytetarët që e fishkëllejnë në rrugë, qoftë prokurorët e trimëruar të SPAK që janë afuar në oborrin e tij apo gazetarët ndërkombëtarë që e barabisin me kumbarin tregojnë një gjë, se kurba politike e Edi Ramës ka prekur fundin. Rrëfimi i propagandës së tij tashmë ka mbaruar.

16:19 Andi Bushati

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

MOTI TIRANA

18°c

KËMBIMI EURO

91.65

aktuale

Ndiqe Lapsin edhe në

Me interes nga publiku

Investigimi/ Si arriti Ergys Agasi të bëhet ‘koordinatori’ i Ramës me krimin

SPAK e akuzon se ndërtoi një grup të strukturuar kriminal për të kontrolluar tenderët publikë dhe se e shtriu ndikimin e tij në Policinë e Shtetit, AKSHI dhe Shërbimin Informativ. Ish-zv. kryeministri Arben Ahmetaj e ka përshkruar si ndërmjetës mes kryeministrit dhe botës së krimit. Si u transformua brenda një dekade ish-zyrtari i Ministrisë së Mjedisit në biznesmen me pasuri të mëdha dhe akses në nivelet më të larta të qeverisjes?

12:04

Me sytë katër

SPORT

Të tjerë artikuj

PAPARAZZI