Lapsi Video

Aplikacioni

Android iOS
Flash

Neymar, akuzon arbitrin nga dhomat e zhveshjes: “Turp për futbollin”

Lapsi.al 15 September 2022
Neymar, akuzon arbitrin nga dhomat e zhveshjes: “Turp për
PSG fiton, por nuk mungojnë polemikat. Neymar, në fund të ndeshjes, u tërbua. Dy fitore në dy ndeshje në këtë Champions League për skuadrën e Christophe Galtier. Në stadiumin Sammy Ofer parisienët fituan 3-1 ndaj Maccabi Haifa. Një sukses i firmosur nga treshja e çudirave, Messi, Mbappé dhe Neymar. Braziliani, megjithatë, nuk ishte i lumtur në fund të lojës. O Ney, në fakt, u ndëshkua me të verdhë për festimin e tij dhe shfryu inatin në rrjetet sociale. Neymar, në minutën e 88-të, shënoi golin e tretë për skuadrën franceze. Pasi mposhti portierin Josh Cohen, braziliani nisi festën: gishtat e mëdhenj në kokë dhe gjuhën jashtë, marka e tij. Një ngazëllim që nuk i referohet tifozëve apo skuadrave kundërshtare, por arbitri ndoshta nuk e dinte. Gjyqtari Daniel Siebert i dha menjëherë kartonin e verdhë sulmuesit. O Ney u përpoq të shpjegonte se ishte një festimi tipik i tij dhe jo një provokim për kundërshtarët. Por Siebert nuk ndryshoi mendje: një karton të verdhë për Neymar. Lojtari i PSG-së nuk e mori aspak mirë dhe pasi u kthye në dhomat e zhveshjes, filloi të postonte mesazhe në rrjetet sociale kundër arbitrit. 30-vjeçari ka postuar video dhe foto nga festimi i tij dhe ka shkruar: “U ndëshkova se isha i lumtur!! Është i vetmi shpjegim, është shaka, qesharake dhe është turp për futbollin”.

REAGIMI

Braziliani më pas publikoi një postim të gjatë për të përsëritur pafajësinë e tij dhe gabimin e arbitrit: “Mungesë totale e respektit për sportistin. Një gjë e tillë nuk mund të ndodhë. Unë marr një të verdhë thjesht se nuk bëra asgjë dhe ata vazhdojnë të më bëjnë keq. Arbitri? As e mendoi se e kishte gabim! Mungesë e madhe respekti”. Neymar gjithashtu bëri një live nga dhoma e zhveshjes, gjatë së cilës i kërkoi publikisht Siebertit sqarime dhe la hashtagun #liberaacomemoracaoDanielSiebert (festim i lirë). Shumë tifozë shprehën mbështetjen e tyre për brazilianin: “Ai u ndëshkua se u argëtua në fushë”. Dhe në fund dikush shkruan: "Lojtarët e Maccabi Haifa nuk u ndjenë të provokuar nga festimi i tij dhe arbitri i dha rastësisht një karton të verdhë, por çfarë do të thotë?".

Të këshilluara

ide

Një vjeshtë me atmosferë fund regjimi

Qoftë zarat e partisë së vet që i hedhin vickla, qoftë qytetarët që e fishkëllejnë në rrugë, qoftë prokurorët e trimëruar të SPAK që janë afuar në oborrin e tij apo gazetarët ndërkombëtarë që e barabisin me kumbarin tregojnë një gjë, se kurba politike e Edi Ramës ka prekur fundin. Rrëfimi i propagandës së tij tashmë ka mbaruar.

16:19 Andi Bushati

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

MOTI TIRANA

21°c

KËMBIMI EURO

91.65

aktuale

Ndiqe Lapsin edhe në

Me interes nga publiku

Investigimi/ Si arriti Ergys Agasi të bëhet ‘koordinatori’ i Ramës me krimin

SPAK e akuzon se ndërtoi një grup të strukturuar kriminal për të kontrolluar tenderët publikë dhe se e shtriu ndikimin e tij në Policinë e Shtetit, AKSHI dhe Shërbimin Informativ. Ish-zv. kryeministri Arben Ahmetaj e ka përshkruar si ndërmjetës mes kryeministrit dhe botës së krimit. Si u transformua brenda një dekade ish-zyrtari i Ministrisë së Mjedisit në biznesmen me pasuri të mëdha dhe akses në nivelet më të larta të qeverisjes?

12:04

Me sytë katër

SPORT

Të tjerë artikuj

PAPARAZZI