Manchester City-Borussia Dortmund ishte një ndeshje plot adrenalinë, që përfundoi me një grindje mes Pep Guardiola dhe arbitrit Orsato. Në bilbilin e trefishtë të fundit, trajneri katalanas protestoi në mënyrë plateale. Spanjolli e kishte inatin për një faull të pësuar nga Foden në minutat e fundit. Dukshëm i inatosur, ai i bërtiste për gjithçka, madje duke i thënë "ik q*u".
Arbitri italian e dëgjoi me qetësi dhe i tregoi kartonin e verdhë sipas rregullores, duke paralajmëruar teknikut e Manchester City. Një gjest që nuk e ndezi më tepër tërbimin e Guardiola, i cili çuditërisht shkoi drejt Orsatos dhe e përqafoi duke kërkuar falje. “E meritova kartonin e verdhë. I kërkova falje”, konfirmoi spanjolli në fund të ndeshjes.
Lexo më tej: Video/ Juventus sheh eleminim te porta: triumf i Real e City
E të mendosh që ishte një ndeshje e fituar nga Citizens. Haaland, ish-i i madh i ndeshjes, shpëtoi Manchester City në shtëpi ndaj Borussia Dortmund 2-1. Verdhezinjtë kaluan në avantazh në minutën e 56-të me Bellingham. Skuadra e Guardiolës luajti keq dhe vetëm një gol i papritur i Stones solli barazimin. Një goditje nga jashtë zonës që mposhti një Meyer fajtor në minutën e 80-të. City u zgjua dhe kaluan vetëm katër minuta kur Haaland përfundoi përmbysjen. Norvegjezi shfrytëzoi një asist të shkëlqyer të Cancelos. Anglezët me pikë të plota dhe Borussia e dyta me tre pikë.
