"Putini ka nxitur krizën ushqimore". Kështu ka deklaruar Presidentja e Komisionit Europian, Ursula von der Leyen, duke theksuar se Europa dhe Organizata e Kombeve të Bashkuara po punojnë për t’i dhënë fund situatës.
“Asnjë nga sanksionet tona nuk e ka penguar Rusinë të eksportojë ushqime dhe plehra në vendet e cënueshme. Ne duhet ta themi vazhdimisht këtë gjë sepse është e vërtetë ndërsa Rusia po thotë të kundertën, që është e gjitha një gënjeshtër, “ tha von der Leyen.
Lexo edhe:
OKB: Kriza ushqimore mund të zgjasë me vite
Presidentja e Komisionit Europian theksoi se më shumë se dhjetë milionë tonë drithë janë larguar nga portet e Ukrainës.
Ajo tha gjithashtu se 30% e eksporteve të grurit të Ukrainës janë dërguar në vendet me të ardhura të ulëta dhe të mesme. Bëhet fjalë për vende si Afrika, Lindje e Mesme dhe Azia. “Pra, janë drithërat ukrainase që bënë që çmimet të bien përsëri,” vuri në dukje ajo.
