Është vënë në prangat e policisë një 54 vjeçar në Tepelenë. Ai akuzohet se i ka vodhur çantën e dorës një shtetaseje çeke. I arrestuari është 54 vjeçari me inicialet M. H., , banues në fshatin Salari, Tepelenë.
"54 vjeçari me inicialet M. H., në datën 07.09.2022, në qytetin e Tepelenës, i ka vjedhur shtetases çeke, çantën e dorës në të cilën mbante sendet personale dhe një shumë parash", njofton policia.
Në cilësinë e provës materiale u sekuestruan çanta e dorës, një aparat celular, një orë dore, dy karta banke, 110 euro dhe 6000 lekë. Materiale në ngarkim të shtetasit M. H. i kaluan Prokurorisë pranë Gjykatës së Shkallës së Parë Gjirokastër, për veprën penale "Vjedhja".
