Turku Faruk Fatih Özer, i cili ndodhej në kërkim ndërkombëtar, ka përfunduar në prangat e policisë shqiptare. Shtetasi turk i akuzuar për mashtrim me qindra milion dollar, ka qenë duke pushuar në një plazh në jug të vendit, kur i janë vënë prangat. Fatih Özer u arratis nga Turqia duke mashtruar dhjetëra mijëra turq, të cilët kishin investuar paratë e tyre në monedhën virtuale turke “Thodex”, ndërsa ai ishte parë të qarkullonte edhe më vendin tonë. Kompania përmes të cilës vepronte Ozër shpalli falimentin, ndërsa ai u shpall në kërkim ndërkombëtar.
Prej kohës që ishte arratisur nga Turqia, Faruk Ozer, jetonte në vende të ndryshme, ndërsa së fundmi banonte në lagjen “5 maji” në Elbasan.
