Ministrja e Ekonomisë dhe Financave Delina Ibrahimaj ka deklaruar se se bordi i ngritur për kontrollin e çmimeve të karburanteve është transparent. Teksa u pyet se përse bordi nuk e ul çmimin e naftës, ndërkohë që në bursë ka shkuar në nivelet e para luftës, Ibrahimaj i doli në mbrojtje Bordit. Ajo deklaroi se ky mekanizëm i ngritur nuk përcakton çmimet e naftës bruto, po asaj të rafinuar.
“Bordet e çmimeve, ju ftoj që të analizoni çmimet e bursës që janë nën ombrellën e bordit dhe jo për naftën bruto që ka lëvizje të ndryshme nga ajo e rafinuara. Në asnjë rast bordi nuk është mbledhur në kundërshtim me rritjen apo uljen e çmimeve. Ka ndodhur e kundërta, mund t’ju siguroj. Bordi mundohet ta shtyjë mbledhjen kur kemi raste të rritjes së çmimit në burse. Ju ftoj që të analizoni dhe mos e dezinformoni opinionin publik.”, tha ajo.
