Disney Plus ka kaluar Netflix-in me numrin e abonentëve të transmetimit, pasi njoftoi se do të nisë një opsion me reklama më vonë këtë vit.
Në tremujorin e fundit janë bashkuar 14.4 milionë abonentë të transmetimit, duke e çuar totalin në 221 milionë. Sipas sondazheve të FactSet, 14.4 milionë tejkalon 10 milionët e pritura, pasi u publikuan seritë e Star Wars, Obi-Wan Kenobi dhe Marvel's Ms Marvel.
Ndërkohë, Netflix ka arritur në 220.7 milionë abonentë, duke njoftuar një humbje prej 1 milionë të tjerë.
Gjigandi i transmetimit po përballet me një luftë të ashpër pasi më shumë njerëz hoqën dorë nga abonimi midis prillit dhe korrikut të këtij viti, megjithëse humbja nuk ishte aq e keqe sa kishte parashikuar Netflix.
Kur u pyet se çfarë mund të ketë ndaluar rënien e abonimeve edhe më shumë, shefi ekzekutiv i Netflix, Reed Hastings pranoi: "Nëse do të kishte një gjë të vetme, ne mund të thoshim Stranger Things".
Kompania kishte parashikuar një humbje prej 2 milionë abonentësh, pasi raportoi rënien e saj të parë tremujore në më shumë se një dekadë në fillim të këtij viti prej gati 200,000.Pezullimi i shërbimit në Rusi pas pushtimit në Ukrainë i kushtoi gjithashtu Netflix 700,000 abonues.
Ndërkohë, ndërsa Netflix planifikon të nisë një plan më të lirë me reklama, po ashtu bën edhe Disney Plus.
Kompania njoftoi se opsioni i ri me reklama do të kushtojë njësoj si abonimet e Disney Plus tani, pa reklama, për 7,99 dollarë në muaj.Për shikuesit që nuk duan reklama, abonimi do të rritet në 10,99 dollarë në dhjetor.
"Ne patëm një tremujor të shkëlqyer, me ekipet tona krijuese dhe të biznesit të klasit botëror që fuqizonin performancën e jashtëzakonshme në parqet tona tematike vendase, rritje të mëdha në shikueshmërinë e sporteve të drejtpërdrejta dhe rritje të konsiderueshme të abonentëve në shërbimet tona të transmetimit," deklaroi shefi ekzekutiv iDisney, Bob Chapek.
