Një 30-vjeçar nga Dibra ka rënë në prangat e policisë, pasi ka ushtruar dhunë fizike ndaj motrës së tij. Përveç kësaj, në momentin e shoqërimit ai ka kundërshtuar dhe punonjësit e policisë.
"Specialistët e Seksionit për Hetimin e Krimeve të Komisariatit të Policisë Dibër, arrestuan në flagrancë shtetasin S.K., 30 vjeç, banues në Dibër, pasi dyshohet se në banesë ka ushtruar dhunë fizike ndaj motrës së tij, dhe në momentin e shoqërimit për në Komisariat, ky shtetas ka kundërshtuar punonjësit e Policisë.", njofton Policia.
