Policia e Durrësit ka bërë bilancin e ngjarjeve të 24 orëve të fundit dhe raporton se një person është gjetur i pajetë, dhe një tjetër është denoncuar i humbur nga bashkëshortja e tij. Konkretisht, në lagjen nr.14, Durrës, pranë derës së një vendparkimi mjetesh është gjetur i pajetë shtetasi F. Ç., 56 vjeç, (roje i vendparkimit). Nga veprimet e para hetimore rezulton se 56-vjeçari e ka humbur jetën si pasojë e infarktit. Ndërkohë po dje në Komisariatin e Policisë Durrës, kallëzon shtetësja E. Ç. se është larguar nga banesa bashkëshorti i saj, shtetasi K. Ç. dhe nuk është kthyer më. Vijon puna për gjetjen e tij.
Materialet i kaluan Prokurorisë, për veprime të mëtejshme.
