Malalbergo, Ozzano dell’Emilia, Castello d’Argile, Medicina, Castel San Pietro Terme, por edhe Castelfranco Emilia dhe Vig0nola.
Këto janë disa nga bashkitë e vizituara nga një bandë prej 3 hajdutësh banesash, të gjithë nga 26 deri në 27 vjeç shtetas shqiptarë me precedent të mëparshëm penalë.
Ata akuzohen për 10 vjedhje, ngjarje të ndodhura në fillim të korrikut.
Arrestimet u kryen një javë më parë, por janë raportuar vetëm tani, shkruajnë mediet italiane.
Kur agjentët skuan të ndalonin të dyshuarait, ata nuk gjetën ndonjë provë të veçantë, por shumë të dhëna lejuan të forconin kuadrin akuzues rreth grupit.
Hetuesit gjetën gjithashtu fatura për dërgimin e parave jashtë vendit. Dyshohet se ishin të ardhura nga mallrat e vjedhura.
Përveç kësaj, u sekuestrua makina me të cilën ata lëviznin përpara se të kryenin vjedhjet. Gjatë sekuestrimeve u gjetën edhe targa të tjera të vjedhura për të maskuar makinën si dhe mjete të ndryshme për vjedhje, kryesisht pajisje ndërtimi.
Në një rast, të arrestuarit kanë qenë përgjegjës edhe për krimin e keqtrajtimit të kafshëve, pasi kanë goditur me shkop një qen të pronarit të shtëpisë ku po tentonin të hynin.
Sendet e sekuestruara ishin ora dhe sende floriri, por edhe kuleta me disa qindra euro ose sende me vlerë më të vogël.
