Policia e Durrësit ka vënë në pranga një 34-vjeçar i cili është filmuar nga kamerat e sigurisë, duke vjedhur kabuj elektrikë në qytet, ndërsa ka sekuestruar qindra metra kabuj të ndriçimit të rrugëve.
"Pas disa ditësh hetime dhe ndjekjeje u bë e mundur kapja dhe arrestimi në flagrancë i shtetasit:
-E. R., 34 vjeç, banues në Durrës.
Gjithashtu shërbimet e Policisë i gjetën dhe i sekuestruan këtij shtetasi, në cilësinë e provës materiale, rreth 350 metra kabuj elektrikë që i kishte këputur dhe vjedhur nga shtyllat e ndriçimit të rrugëve të qytetit të Durrësit”, thuhet në njoftimin e policisë.
