Kryeministri Rama ka zhvilluar një bashkëbisedim me përfaqësues të biznesit holandez që operojnë aktualisht në Shqipëri, si dhe me investitorë të rinj potencial. Gjatë bisedës kryeministri u pyet nëse një investues i huaj mund të mbështetet në një pushtet gjyqësor të pavarur në vendin tonë. Rama iu përgjigj se sistemi shqiptar i drejtësisë ka probleme, por shtoi se për investuesit e huaj ka më shumë kujdes dhe vëmendje.
"Sistemi unë i drejtësisë ka ende probleme, nuk është aty ku duhet, kur vjen fjala për të huaj, për investuesit nga jashtë, ka shumë kujdes dhe vëmendje për të mos krijuar shqetësime, për tanët më pak. Jemi të mirë për të dëmtuar veten, keni të drejtë, janë të dobishme dhe vijnë nga dëshmitarë, por ende nuk kemi arritur aty ku duhet, kemi nisur një reformë që është në procesin e rindërtimit, Vettingu imponoi një pastrim, thuajse 60% të gjyqtarëve ekzistues, por vendet bosh nuk janë të lehta për tu përballuar apo për t’i zëvendësuar ato. Duhen të dyja, gjyqtarë, njerëz të aftë por edhe të ndershëm, të aftë dhe të pandershëm janë problem. Nuk është e lehtë.", tha Rama.
