Ndërsa Gjykata e Tiranës vendosi të njohë Enlelejd Alibeajn si palë ankimuese në procesin mes dy PD-ve, Sali Berisha akuzoi ambasadoren amerikane, Yuri Kim për ndërhyrje në gjykatë lidhur me këtë çështje gjyqësore. Ai i kërkoi qeverisë së SHBA që përfaqësuesja e saj në Tiranë të ndërpriste ndërhyrjet e saj në proceset gjyqësore.
Ai u shpreh se ka 3 burime që vërtetojnë akuzat e tij dhe kur u pyet gjatë bashkëbisedimit me gazetarët se përse nuk i bën publike, Berisha tha se “nëse autoritetet e SHBA-ve e kërkojnë do të tregoj gjithçka di”.
Spekulimet se ambasadorja amerikane në Tiranë po mundohet të zhvendosë trajektoren e drejtësisë lindën në fillim të këtij prilli, kur ndonëse gjykata kishte njohur Komisionin e Rithemelimit në krye të drejtimit të PD, Yuri Kim provokonte se ajo njihte Alibeajn. Ajo zhvilloi një takim me Enkelejd Alibeajn, të cilin e cilësoi “kryetar të PD-së”.
Në një postim në Twitter lidhur me takimin, Kim shkruajti:
“Diskutim shumë i mirë sot me ushtruesin e detyrës së kryetarit të Partisë Demokratike dhe kreut të grupit parlamentar Enkelejd Alibeaj për një gamë të gjerë çështjesh". Në fund theksoi:“Le të vazhdojmë së bashku përpara, jo mbrapa”.
Disa ditë më pas në një mbledhje të grupit parlamentar Berisha e akuzoi Alibeajn se ai pa asnjë tagër po ankimonte vendimin e gjykatës për të bërë lojën e ambasadores amerikane dule i kërkuar atij dorëheqjen:"Pa asnjë tagër Alibeaj padit PD-në në gjykatë. Padit një proces që demokratët e kanë pranuar. Yuri Kim ka bërë presion në gjykatë" u tha ai deputetëve. Por nëse këto janë qëndrime politike për shfaqjet publike të ambasadores Berisha shkoi një hap më tej duke pretenduar se ka dhe fakte se Yuri Kim po ndërhyn direkt në procesin gjyqësor mes grupeve ne PD ashtu sikurse u ba palë edhe në garën polotile të 6 marsit, për zgjedhjet e pjesshme lokale.
“Ti harrojë kush përpjekjet që mund të diktojë. Unë publikisht sot para mediave shpreh keqardhjen, por edhe denoncimin tim për ndërhyrjet e saj direkte në procesin gjyqësor.
Javën e kaluar unë iu informova, thashë se kam informacion nha dy burime. Së fundmi guvernatorja bën takime për procesin gjyqësor i cili në mënyrë absolute nuk ka bazë ligjore”, u shpreh Berisha.
"I bëj thirrje SHBA-ve të marrin masa ndaj ambasadores, që të ndërpresë ndërhyrket" - shtoi ish-kryeministri.
Por ndërsa kërkon prova për vendimin e DASH kundër tij, Berisha refuzoi të japë ndonjë provë që e implikon drejtëpërdrejtë ambasadoren në procesin gjyqësor.
