Mjekët Bledi Bërdalli dhe Julian Malaj si dhe infermieri Ermal Gjeci, të cilët mjekuan dhe ndihmuan të shumëkërkuarin Nuredin Dumani, kanë dalë sot para gjykatës për tu njohur me masën e sigurisë. Mjekët akuzohen për moskallëzim krimi, pasi nuk raportuan në polici se kishin mjekuar Dumanin. Në deklarimet e tyre ata kanë thënë se nuk e njihnin atë dhe as kishin dijeni për të shkuarën e Dumanit.
Mësohet se kirurgu Julian Gjeco është liruar. Gjykata ka vendosur për të detyrim paraqitjeje. Kurse për Julian Malajn, ndihmës mjekun është vendosur arrest shtëpie.
Ditën e shtunë, Gjykata e Elbasanit ka lënë në burg bashkëpunëtorin e Nuredin Dumanit, Henrik Hoxhajn, ndërsa e dashura e tij, 20-vjeçarja nga Kosova Mirjet Hajdini është lënë në 'detyrim paraqitje'. Përpara trupit gjykues ajo është shprehur se nuk e dinte të shkuarën e Nuredin Dumanit, pasi ai i ishte prezantuar me emër tjetër.
Të gjithë të këta persona u arrestuan pas përplasjes me armë në Elbasan, mes Talo Çelës dhe Dumanit, ku ky i fundit shkoi t'i bënte atentat, por mbeti vetë i plagosur.
