Deputetja e PD-, Jorida Tabaku, njëherazi edhe kryetarja e komisionit hetimor parlamentar për inceneratorët, ka reaguar pas urdhër arresteve të lëshuara nga SPAK të cilat ka cilësuar të pamjaftueshme. Në një deklaratë për mediat. Tabaku theksoi se SPAK duhet çojë para drejtësisë personat me pushtet politik, teksa akuzoi drejtpërdrejtë kryeministrin Edi Rama si 'koka e kësaj afere korruptive'. Kryetarja e Komisionit Hetimor i bën thirrje SPAK-ut që të bashkojë dosjet e të tre impianteve të përpunimit të mbetjeve në një të vetme.
Në një konferencë për mediat, pak orë pas urdhër arrestet e SPAK për disa zyrtarë dhe ish-zyrtarë, Tabaku u shpreh se përgjegjësitë nuk janë të ndara.
“Përgjegjësitë e këtyre individëve nuk janë të ndara. Në inceneneratorin e Fierit me përgjegjësi të plotë duhet njëkohësishtm dhe sipas kallëzimit që PD ka bërë, të vazhdohet me shtetasin Armando Subashi”, tha Tabaku.
